Schnell-Navigation:
History from ?W-eye?
Mir sind d Band ?W-eye? und kömme us Birsfälde/Basel.
Mit e re Band hänn sich Fünf Jugendlichy e kleine Kindheits-Traum verwirklicht. Als kleine Bueb hänn doch alli mol welle in e re Band Spiele und hänn stundelang dervo Treumt :)
Und so isch es koh, dass me im zarte Alter vo 17-25, im Johr 2008 nach e me Festival bsuech eifach mol Kurz und Bündig beschlosse het e Band z gründe. Und so eifach isch die Gschicht den au ins Rolle koh:
Natürlich het sich sehr Schnäll d frog gstellt: öööööömmm cha irgendöper user em Sänger Gitarre, Schlagzüg oder Bass Spiele?????
Wie nid anderscht z erwarte natürlich nid.... was het me gmacht? Ab in Gitarre Lade Gitarre/Bass und Schlagzüg Kaufe und eifach usprobiere wie das funktioniere und töne sött xD
Also sie sich es paar moll trofä und ahgfange e kly umme z klymperre.....us däm isch den au gly mol de überhaupt erschti sälber gschribeni song: ******** Free...vo de damals Nahmelose Band entstande.
Guet, s erschte Lied isch Gschribe gsie und somit sind d erwartige und Euphorie Automatisch gstiege. S erschte wo d Band den brucht het isch e gegneits Probelokal gse, nach kurzem sueche het me sich den eimol in de Wuche im Käller vom Sissy's Place in Birsfälde ihquatiert und wyter am erfolg Baschtlet.
Wie das aber so isch hets nid lang uf sich warte loh: de einti Gitarrisch het sie ustritt geh, womit im Friehlig 2009 den Ich ins Spiel koh bi. ( natürlich ohni jeglichi Ahnig wie me Gitarre spielt).
Aber wie gseit d Euphorie isch Gross gsie und d Band het sich nid Stoppe loh. So isch es derzue koh das d Band beschlosse het im Dezämber 2009 e Konzärt z geh....(do isch den au s erschtmol d frog vo me ne Bandnahme uftaucht...) Gly het me sich für e Ungwöhlichi Nahme: ?W-eye? entschiede und s Konzärtli wyter Plant. ( nei niemerts het genau gwüsst wies usekunnt xD )
Dämentsprächend isch d Erwartig vo de Lüt und vo uns au nid sehr Gross gse. ^^Aifach mol Luege wies ahkunnt hets gheisse^^
Was sich den aber Sehrschnäll als Falsch usegstellt het, es sind nid wenigi völlig Begeischteret zu uns koh und hänn gmeint mir mien unbedinggt drah blibe....
Also isch de Fall nach em erschte Johr Probe Klipp und Klaar gsie: DIE BAND MUESS WYTER LÄBE!!! Sehr schnäll isch uns den au bewusst worde das unser Probelokal für das aber völlig ungeeignet isch. Und so isch es derzue koh das W-eye nach em Uftritt e ¾ Johr Zwangspause gmacht het.
I dene ¾ Johr isch allerdings einiges passier
Nach em Konzärt het sich au usegstellt das de ehemaligi Bassischt eifach nid ins Bandbild passt het, d mussig gschmäcker und d vorstellig vo de Probe sind doch extrem wyt usenander gange.
So isch es koh das es de zweiti wächsel in de Junge Bandgschicht geh het und e neue Bassischt ane het miesse.
Dä hett d W-eye au sehr schnäll gfunde und W-eye isch dr meinig das es so sicher besser klappt wird nur....au är het kei Ahnig vom Bass Spiele kah....Also het me ahgfange dr Neui in die Künste des Bass Spielen einzuweihen.
Wyters het W-eye e Bandrum gsuecht, und us e me Leehrstehende Garage Platz e Ideals Probelokal Gstampft. Dezue isch no allerlei Technik Ihkauft worde, vo neuem Bassversterker über G'sangsahlag und allerlei Probeinventar.
Syt em Auguscht 2010, also erscht vor Kurzem isch unser Probelokal im Betrieb und mit fill Schweiss und Härzbluet isch W-eye jeze drah ihres repetior vo bescheidene 10 Lieder z erwyter,erfahrige z sammle, derzue lehrne und am erhofte erfolg z Baschtle.
Sänger : Marco
Gitarre I : Benedikt
Gitarre II : Lukas
Bass : Daniel
Drumms : Lukas
Verbinden mit ?w-eye?
Profil-Banner mitnehmen:
|
Rank-Button mitnehmen:
|
